John Lennoni buruzko pelikula bat prestatzen dabil Brad Pitt

Zurrumurruak baieztatu dira. Izan ere, dirudienez, John Lennonen bizitzari buruzko pelikula biografiko bat prestatzen dabil Brad Pitt aktorea.

Hasiera bateko informazioen arabera, Pittek berak ekoitzi eta protagonizatuko luke filma. Gainera, iturri ezberdinek diote, Yoko Onok (John Lennonen bigarren emaztea) oniritzia eman diola pelikularen grabazioari. Bien bitartean, badirudi, Brad Pittek kantu ikastaroak hartzeko interesa duela.

Gidoiari dagokionez, dagoeneko hasiak dira istorioa idazten eta orain pelikularen zuzendaria bilatzea baino ez da falta.